ဒါလေးကတော့ Online NoteBook လေးပါ
လူတစ်ဦး တစ်ယောက်ချင်းစီမှာ ၀ါသနာ တစ်မျိူး စီတော့ ရှိတတ်ကြပါတယ် ။ အဲ့ထဲမှာ တစ်ချိူ့ လူတွေက မိမိရဲ့ တစ်နေ့ တာ အကြောင်းအရာကို ည ရောက်ရင် ပြန်ပြီးမှတ်တမ်း တင်တတ်ကြပါတယ် ။ ဒိုင်ယာရီ ရေးတဲ့ သဘောမျိူးပေ့ါ ။ ပျော်ရွှင်စရာဆိုလည်း ပျော်ရွှင် စရာ အကြောင်း အရာလေးတွေ ၊ စိတ်ညစ် စရာ ဆိုလည်းဘာကြောင့် စိတ်ညစ်ရတာလဲ ၊ ချစ်သူနဲ့ အမှတ်တရ ဆိုလည်း အမှတ်တရ ဖြစ်စေမဲ့ အကြောင်း အရာလေးတွေကို စာအုပ် နဲ့ ချ ချ မှတ်တတ်ကြပါတယ် ။
တကယ်လို့ ... အဲ့စာအုပ်တွေ ပျောက်သွားရင် မခက်ဘူးလားဗျာ ။ ဒီနေ့ ခေတ်ကြီးမှာ အကုန်လုံး က Paperless စနစ်ကို အသုံးပြုလာကြပြီ ဆိုတော့ကားးးးး (Paperless = Paper + လက်) ဟိဟိ ။ ကျွန်တော်တို့ တစ်တွေလည်း ဒီလိုမျိူး စာအုပ်ကြီးနဲ့ ဘော့ပင်နဲ့ တစ်နေ့ စာ တစ်နေ့ ချချမှတ်နေစရာ မလိုတော့ပါဘူး ။
တစ်နေ့ တာကြုံရဆုံရခဲ့တဲ့ ဖြစ်ပျက်သမျှ ကိစ္စ အလုံးစုံကို အွန်လိုင်းမှာပဲ notebook တစ်ခုအနေနဲ့ မှတ်သားထားရအောင် အရင်ဆုံး gmail ကို sign in ၀င်ပြီး new tab နောက်တစ်ခုမှာ http://www.google.com/notebook လို့ ရိုက်လိုက်တာနဲ့  google က notebook page တစ်ခု ကျလာမှာ ဖြစ်ပါတယ် ခင်ဗျာ ။ အဲ့ဒါကြောင့် မိမိရဲ့ တစ်နေ့ တာ ဖြစ်ပျက်ခဲ့သမျှ တွေကို စာအုပ် ဘောပင် နဲ့ ချမှတ်နေစရာမလိုတော့ပဲ သက်သက်သာသာ အွန်လိုင်းမှာပဲ အေးအေးဆေးဆေးလေးနဲ့ရေးမှတ်နိုင်ပြီ ဖြစ်ပါတယ် ခင်ဗျာ ။ အဲ့ဒါကြောင့် ပျောက်ပျက်သွားမှာလည်း မပူရတော့ပဲ တစ်သက်လုံး gmail အကောင့် ရှိနေသမျှ ကာလပတ်လုံး notebook လေးကို သုံးလို့ ရနိုင်မှာ ဖြစ်ပါတယ် ခင်ဗျာ ။ private ဖြစ်တဲ့ အတွက်လည်း ကိုယ့် Note ကို ဘယ်သူမှ မြင်ရမှာ မဟုတ်ပါဘူး ခင်ဗျာ ။
ဒါလေးကတော့ Online Bookmarking လေးပေ့ါ
အင်တာနက် သုံးသူ တော်တော်များများမှာ တွေ့ နေရတာလေးတွေပါ ။ Website ကောင်းကောင်းလေးတွေ တွေ့ ရင် စာအုပ်ထဲမှာ မှတ်တယ် ၊ စာရွက်ထဲမှာ မှတ်တယ် ။ ပြီးတော့ အဲ့စာအုပ်တွေ စာရွက်တွေ ပျောက်တော့ တိုင်တွေ ပတ်ကုန်ကြရောပေါ့ ။ တစ်ချိူ့ ကျတော့ ကွန်ပြူတာ သမားပီပီ Notepad ထဲမှာ မှတ်တယ် ။ ပြီးတော့ အဲ့ notepad လည်း ပြန်ရှာလို့ မရတော့ တိုင်ပတ်တာပေ့ါ ။ စာအုပ်ထဲမှာ မှတ်တယ်ဆိုလည်း သွားလေရာကို စာအုပ်ကြီး သယ်သွားမှ အဆင်ပြေမှာပါ ။ Notepad ထဲမှာ မှတ်တော့လည်း အဲ့ Notepad ရှိမှ အဆင်ပြေပြန်ရော ။ အဲ့ဒါကြောင့် အဲ့ဒါတွေက ပျောက်လွယ်ပါတယ် ။ အဲ့ဒါဆို အဆင်မပြေနိုင်ပါဘူး ။
အဲ့တော့ ကျွန်တော်တို့ အဲ့ပြသနာကို ဘယ်လို ဖြေရှင်းကြမလဲ ။ လွယ်တာတော့လွယ်ပါတယ် ။ အွန်လိုင်းပေါ်မှာ ကျွန်တော်တို့ မှတ်ချင်တဲ့ Website လိပ်စာတွေကို မှတ်ပေးတဲ့ Websites တွေ အများကြီး ရှိပါတယ် ။ အဲ့လို Website လိပ်စာတွေမှတ်တာကို Bookmarking လို့ ခေါ်ပါတယ် ။ Online ပေါ်မှာပဲ မှတ်တဲ့အတွက် Online Bookmarking လို့ခေါ်ကြပါတယ်။
ဒါပေမဲ့ အဲဒီနည်းတွေကအင်တာနက်ကိုအိမ်မှာသုံးတဲ့သူတွေအတွက်ပဲအဆင်ပြေမှာပါ ။ Cyber တွေမှာ သုံးတဲ့သူဆိုရင်တော့ ဒီနည်းတွေက Browser ထဲမှာပဲမှတ်တာဖြစ်တဲ့အတွက် တခြားစက်တွေကိုင်ရင် ကြည့်ရမှာမဟုတ်တော့ဘူးလေ။ဒါကြောင့် အင်တာနက်ချိတ်ထားတဲ့ ဘယ်ကွန်ပျူတာကိုပဲသုံးသုံး ကိုယ့်ရဲ့
Bookmark တွေကို access လုပ်လို့ရတဲ့ Online Bookmarking Website တွေခေတ်စားလာတာပေါ့။
အဲ့လို Online Bookmarking လုပ်ပေးနိုင်တဲ့ ဆိုဒ်တွေကတော့ အများကြီးပေ့ါဗျာ ။ တစ်ချိူ့ တစ်လေက Register လုပ်ရတယ် ။ သုံးရတာ ကိုယ်နဲ့ Fair မဖြစ်ဘူး ။ အဆင်မပြေဘူးပေ့ါဗျာ ။ အဲ့ဒါကြောင့် ကိုယ်နဲ့ လည်း ရင်းနှီးတယ် ၊ အရမ်းလည်း သုံးရတာ လွယ်တဲ့ ကျွန်တော်တို့ ရဲ့  Google ကြီးကိုပဲ အားကိုးကြရအောင်ဗျာ ။
ကျွန်တော်တို့ နေ့ စဉ် မရှိမဖြစ် လို အရမ်းကို အသုံးဝင်တဲ့ Google ကြီးမှာလည်း bookmark လုပ်လို့ရပါတယ် ။ အရင်ဆုံး မိမိသုံးနေကြ gmail ကို sign in ၀င်လိုက်ပါ ။ ပြီးရင် Ctrl+T (New Tab) အသစ်တစ်ခု ခေါ်ပြီး Address bar မှာ http://ww.google.com/bookmarks လို့ သာ ရိုက်လိုက်ပါ ။ အဲ့ဒါဆိုရင်တော့ Google ရဲ့ Bookmarks Page တစ်ခု ရောက်လာမှာ ဖြစ်ပြီး My Lists , Add Bookmarks အစရှိတဲ့ နေရာတွေမှာ မိမိ မှတ်သားချင်တဲ့ Website Addresses တွေကို Subject , Title , Link နှင့်တကွ မှတ်သားနိုင်တာကြောင့် ဘယ် စာအုပ် ၊ ဘယ်စာရွက် ၊ ဘယ် Notepad တစ်ခု တစ်လေမှမလိုတော့ပဲ ရောက်လေ ရာရာ အရပ်တိုင်းမှာ Google Bookmarks ဆိုတဲ့ Bookmarks Page လေးကို ခေါ်လိုက်တာနဲ့ မိမိမှတ်သားထားတဲ့ Website တွေကို မိမိ မှတ်သားထားတဲ့ ပုံစံ အတိုင်းတွေ့ မြင်ရမှာ ဖြစ်ပါတယ် ခင်ဗျာ ။ အဆင်ပြေသလို အသုံးပြုနိုင်ကြပါစေ ခင်ဗျာ ။
အောက်မှာ အကို တစ်ယောက် ကွန်မန့် ပေးထားတာလေးပါ ခင်ဗျာ ။ သူလည်း Online Bookmarking Site တစ်ခုပါပဲ ။ Free Account တစ်ခု အလွယ် တကူ ဆောက်နိုင်ပြီး အသုံးပြုရတာလည်းအရမ်းကို လွယ်ကူ ပါတယ် ။ အခု လို ၀င်ရောက် ဆွေးနွေး ပေးသွားတဲ့ ကို sainaunkham ကို အထူးပဲ ကျေးဇူးတင်ရှိပါတယ် ခင်ဗျာ ။
sainaunkham မှ စာပြန်ခဲ့သည်။
- Online Bookmarks Site လေးပဲဗျ .. မဆိုးဘူးကောင်းတယ်ဗျ.. အကောင့်တစ်ခုလုပ်ထားလိုက် free ပဲ..
No comments:
Post a Comment
daweiit@gmail.com