သတ္တုကိုယ်ထည် သို့မဟုတ် case များပါဝင်သော ဖုန်းများသည် Qualcomm မှဖန်တီးသော နည်းပညာသစ်ဖြင့် ထုတ်ကုန်အချင်းချင်း ကြိုးမဲ့အားသွင်း နိုင်တော့မည် ဖြစ်သည်။
Qualcomm ၏ ကုမ္ပဏီခွဲ Qualcomm Technologies ကော်ပိုရေးရှင်းသည် သတ္တုကိုယ်ထည် မိုဘိုင်ထုတ်ကုန်များကို ကြိုးမဲ့ အားသွင်းမှု ပြုလုပ်နိုင်ရန် ဖန်တီးပေးသည့် ပထမဆုံး ကုမ္ပဏီတစ်ခု ဖြစ်လာသည်။ ကုမ္ပဏီ၏ ကြိုးမဲ့အားသွင်းစနစ်သည် မိုဘိုင်းဖုန်းနှင့် tablet ကဲ့သို့ သတ္တုကိုယ်ထည် ပါဝင်သော ပိုမိုကြီးမားသော အရာဝတ္ထုများကို အားသွင်းနိုင်သည်။
Qualcomm သည် Rezence ဟုခေါ်ဆိုသော စနစ်နှင့်ဆင်တူသော WiPower ဟုအမည်ရသော နည်းပညာတစ်ခုကို ဖန်တီးခဲ့သည်။ WiPower ၏ magnetic resonance သည် ကြိမ်နှုန်းတစ်ခုတွင် အားသွင်းသည့် လုပ်ငန်းစဉ်ကို မထိခိုက်စေဘဲ သတ္တုကိုယ်ထည်များကို ကောင်းမွန်စွာကိုင်တွယ် စီမံခန့်ခွဲနိုင်သည်။ သို့ရာတွင် နောက်ဆုံးစမ်းသပ်မှုအရ Qualcomm ၏ WiPower သည်သတ္တု ကိုယ်ထည်ဖြင့် ပြုလုပ်ထားသော ထုတ်ကုန်တစ်ခုကိုသာ အားသွင်းနိုင်သည်။ Qualcomm ကတီထွင် လျက်ရှိသော နည်းပညာသည် သုံးစွဲသူများ အသုံးပြုနိုင်မည့် စီးပွားဖြစ် အဆင့်တစ်ခုသို့ မရောက်ရှိသေးပေ။ ထိုနည်းပညာကို အသုံးပြု၍ သတ္တုကာဗာ သို့မဟုတ် အစိတ်အပိုင်းမှတစ်ဆင့် ထုတ်ကုန်ကို အားသွင်းရန် မိုဘိုင်းထုတ်လုပ်သူများ ပါဝင်ရန် လိုအပ်သည်။
ထို့ကြောင့် Qualcomm အနေဖြင့် သတ္တုကိုယ်ထည် သို့မဟုတ် case တစ်ခုဖြင့် အခြားထုတ်ကုန် သို့မဟုတ် စမတ်ဖုန်းကို ကြိုးမဲ့အားသွင်းနိုင်မည့် နည်းပညာသစ်ကို စမတ်ဖုန်း ထုတ်လုပ်သူများနှင့် တွဲဖက်လုပ်ကိုင် လျက်ရှိကြောင်း ကုမ္ပဏီ၏ ထုတ်ကုန်စီမံခန့်ခွဲမှု အကြီးတန်း ဒါရိုက်တာ မတ်ဟန်ဆစ်ခ်ကာက ပြောဆိုခဲ့သည်။
Ref : CNET
Credit==> internetjournal
Thiha Htike(THT)
thihahtike.it@gmail.com
No comments:
Post a Comment
daweiit@gmail.com